Вильһельм Гауф әкияте каһарманнары белән маҗара

2020 елның 28 гыйнварында Татарстан Республикасы Милли китапханәсенең чит телләрдәге әдәбият бүлеге хезмәткәрләре Казан шәһәре 36 нчы гимназиясенең башлангыч сыйныф укучылары белән кабат очрашты. Алар балалар игътибарына «Мин – укучы» әдәби проекты кысаларында  алман язучысы Вильһельм Гауфның «Кәрлә Борын» әкиятен тәкъдим итте.

Әкиятнең төп каһарманы – Якоб исемле малай. Сихерченең картлыгыннан һәм гариплегеннән көлгәнгә ул танымаслык ямьсез кәрләгә әверелә. Сихерчегә озак еллар хезмәт итеп, төрле һөнәрләр үзләштергән һәм  бик яхшы итеп аш-су әзерләргә өйрәнгән – бу эштә Якобка тиңнәр булмаган. Тоткынлыктан качкач, кәрлә Якоб улларын таный алмаган әти-әнисенә кайтып карый. Малай патшага хезмәткә керә һәм шунда ук Мими исемле сихерләнгән принцесса белән таныша. Якоб һәм Мими арасындагы дуслык икесенә дә сихер көченнән азат ителергә ярдәм итә.

Әкият белән төсле презентация аша танышкач, балалар китаптан өзекләр укып, куелган барлык сорауларга җавап бирделәр һәм үзләре өчен кайбер әһәмиятле нәтиҗәләргә килделәр. Дәреснең икенче яртысында алар зур кызыксыну белән «Хыял» исемле әкияти татлы ризык ясадылар.

Иҗади рухта узган әлеге дәрес-очрашу ахырында балалар истәлеккә фотога төштеләр.