Китапханә һәм Интернет челтәрендә балалар куркынычсызлыгы

2020 елның 3 феврале, дүшәмбе

2020 нче елның 31 нче гыйнварында Татарстан Республикасы Милли китапханәсенең мәгълүмат-библиография бүлегендә (Кремль ур., 33 нче йорт) мәктәп укучылары өчен китапханә дәресе форматында Мәгълүмат көне үткәрелде.

Казан шәһәренең 185 нче лицееның 4 нче сыйныф укучылары китапханә белән таныштылар. Бүлек хезмәткәрләре мәктәп укучыларын каталоглардан һәм бүлекнең белешмә фондыннан файдаланырга өйрәттеләр. Укуга ярдәм итү өчен белешмә басмалар күргәзмәсе әзерләнде. Өстәмә рәвештә алар Интернет челтәрендә куркынычсызлык кагыйдәләре турында мәгълүмат алдылар. Укучыларга әлеге теманы яктырткан иллюстратив материаллар һәм видеороликлар күрсәтелде.