Файдалы һәм матур эшләнмәләр остаханәсе

2020 елның 2 февралендә Татарстан Республикасы Милли китапханәсендә (Казан, К.Маркс ур., 36 йорт) вакытлы матбугат бүлеге хезмәткәрләре төрле максатларда кулланып була торган сувенир эшләү буенча мастер-класс үткәрде.

Савыт-сабаны бизәү ысуллары бик күп төрле, шул рәвешчә аларга икенче тормыш бирергә мөмкин.

Мастер-класста яшь һәм олы буын вәкилләре катнашты. Кунаклар тәкъдим ителгән кайбер материаллар белән беренче тапкыр эшләделәр. Дәрес барышында һәркем әлеге эшләнмәне нинди максатларда кулланып булуы турында фикерләрен әйтте.

Мондый савытларда төймә, ярма, кофе саклап була. Биек савытны бизәп, аңа букет куярга мөмкин.

Катнашучылар мастер-класстан канәгать калдылар һәм үзләре өчен бик күп кызыклы мәгълүмат тупладылар.