«Туган телгә урын түрдә»

2020 елның 1 февраленнән 29 февраленә кадәр Татарстан Республикасы Милли китапханәсенең икенче бинасындагы уку залында (Казан, К.Маркс ур., 36 йорт), ел саен 21 февральдә билгеләп үтелә торган Халыкара туган тел көненә багышлап, «Туган телгә урын түрдә» дигән матбугат басмалары күргәзмәсе эшли. Күргәзмәне вакытлы матбугат бүлеге хезмәткәрләре оештырды.

Безнең ил – күпмилләтле дәүләт. Россиядә 200 ләп милләт яши. Һәр халык – ул кабатланмас мәдәният, тарих, традицияләр һәм яшәү рәвеше. Һәм, әлбәттә, тел. Тел ул – бәяләп бетергесез хәзинә. Без төрле һәм бу безнең байлыгыбыз. Без бергә һәм бу безнең көч. 

Күргәзмәдә «Родной язык», «Этносфера», «Русский язык в школе», «Наш дом Татарстан», «Татарстан», «Идел», «Мәгариф», «Звезда Поволжья», «Шәһри Казан», «Ватаным Татарстан», «Кенеш», «Таван атал» һәм башка  газеталар һәм журналлар тәкъдим ителә.

Күргәзмәгә рәхим итегез!