Агачтан ясау һәм төзү сәнгате
2020 елда Татарстан Республикасы Милли китапханәсенең сәнгать бүлеге (Казан, Театр ур., 5 йорт) «Сәнгати хыяллар дөньясы» дип аталган күргәзмәләр циклын дәвам итә һәм февраль аенда агач төзелеш сәнгатенә багышланган «Агач әкият сөйли» дип исемләнгән китап күргәзмәсе тәкъдим итә.
Агачка уеп бизәк ясау халык сәнгатенең иң борынгы төрләренең берсе булып тора. Агачтан ясалган барлык әйберләр дә һәрвакыт гамәли билгеләнешкә ия була һәм рухи мәгънәне, матурлыкны да чагылдыра. Осталар үз эшләренә һөнәри осталыкларын, тәҗрибәсен, мәхәббәтен кушып эшлиләр.
Матурлап, агачка уелган бизәкләр белән ясалган тәрәзә йөзлекләре, өй кыеклары, әкияти үрнәкләр төшерелгән борынгы кабалар, татлы ризыклар пешергәндә матурлау өчен кулланыла торган бизәкле такта үрнәкләрен «Сокландыргыч бизәлеш» бүлегендә тәкъдим ителгән китап басмаларында табарга мөмкин. Күргәзмәдәге матур альбомнар борынгы заманнардан башлап, агач архитектурасы үсешенең бай тарихын сөйлиләр.
«Күңелле кәсепчелек» бүлегендә агач кисү белән шөгыльләнүчеләр, бу борынгы һәм матур һөнәрне яңа үзләштерүчеләр өчен уку әдәбияты һәм гамәли кулланмалар тәкъдим ителә. «Агач осталарына» китаплар сериясе үзеңә һәм башкаларга кабатланмас шатлык бирүче үзенчәлекле гүзәллек тудыруда ярдәмгә килә. Күргәзмәдә шулай ук җирле осталарның агачтан ясалган, җылылык хисе уятучы эшләнмәләре дә тәкъдим ителгән.
Күргәзмә февраль ае буена дәвам итәчәк.