«Системалы инновацион икътисад» күргәзмәсе
Татарстан Республикасы Милли китапханәсенең патентлар бүлегендә (Казан, К.Маркс ур., 36 йорт) 2020 елның февраль ае дәвамында «Системалы инновацион икътисад» дигән күргәзмә эшли.
Инновацион икътисад – икътисади үсешнең сәнәгый технологияләрне җитештерүдә тупланган белемнәрне дөрес куллануга нигезләнгән яңа борылышы. Икътисади үсеш тәҗрибәсе шуны раслый: фәнни-техник прогресска инвестицияләр керткәндә генә зур уңышка ирешелә. Бу яңа фәнни технологияләр һәм җиһазлар үзләштерүдә, җитештерүне оештыруда яңа белемнәр дигән сүз.
Күргәзмә материалларында интеллектуаль милек объектлары системасы, заманча шартларда маркетинг идарәсе булдыруның норматив-хокукый базасы, шулай ук интеллектуаль милек белән стратегик идарә итү нигезләре турында мәгълүмат табып була. Интеллектуаль милекне яклауның яңа технологияләре тәкъдим ителгән.
Күргәзмә студентлар, аспирантлар, укытучылар, патент белеме өлкәсендә белгечләр һәм интеллектуаль милек проблемалары белән кызыксынучылар өчен тәкъдим ителә.
