Китапханәчеләр семинары
2020 елның 7 февралендә Татарстан Республикасы Милли китапханәсенең фәнни-методик бүлеге муниципаль китапханәләр хезмәткәрләре өчен «Яңа буын китапханәсе. «Мәдәният» милли проекты кысаларында модельле муниципаль китапханәләр булдыруга конкурста катнашу өчен документлар әзерләү» дип исемләнгән семинар уздырды.
Семинарда Татарстан Республикасы муниципаль районнарыннан конкурста катнашу исемлегенә кергән 19 китапханәнең 43 хезмәткәре катнашты.
Фәнни-методик бүлек хезмәткәрләре Л.М.Нәҗметдинова, С.Р.Дәүләтшина һәм О.И.Зуева конкурсны оештырудагы гомуми мәсьәләләр һәм кайбер үзенчәлекләр турында сөйләде, документларны җыю һәм аларны дөрес итеп тутыру буенча киңәшләр биреп, семинарда катнашучыларның күпсанлы сорауларына ачыклык кертте.
Китапханәчеләр, үз чиратларында, алган белемнәре өчен рәхмәт белдерде.
