Чын ир-атларга багышлап…
Ватанны саклаучылар көне – ир-егетлəрнең намус, абруй һәм кыюлык шикелле сыйфатларга ия булуын раслый торган бәйрәм. Традицион рәвештә әлеге бәйрәм белән илебез сагында торучы кыю, курку белмәс көчле затларны котлыйлар. Шушы истәлекле вакыйга уңаеннан 2020 елның 16 февралендә Татарстан Республикасы Милли китапханәсенең вакытлы матбугат бүлеге хезмәткәрләре «Бүләккә шоколадлы открытка» ясау буенча мастер-класс үткәрде.
Китапханәнең уку залында (Казан, К.Маркс ур., 36 йорт) «Ватан өчен – илем өчен» һәм «Ватанны саклауда татарстанлылар өлеше» дип исемләнгән күргәзмәләр эшли. Кунаклар күргәзмәдә урын алган газета һәм журналлар белән таныштылар. Чараның икенче өлешендәге мастер-класста катнашучыларга кул эшләре буенча нәшер ителүче вакытлы матбугат басмалары тәкъдим ителде. Эш барышында төрле текстуралы һәм структуралы материаллар кулланып, китапханәче җитәкчелегендә шоколадлы открыткалар әзерләү олыларга да, балаларга да бик ошады.
