Әкиятләр дөньясында маҗаралар бетәрме?!

2020 елның 13 февралендә Татарстан Республикасы Милли китапханәсенең чит телләрдәге әдәбият бүлеге хезмәткәрләре Казан шәһәре 5 нче лицееның 3 нче сыйныф укучылары өчен, «Мин – укучы» әдәби проекты кысаларында Э.Т.А.Гофман (1776–1822) иҗатына багышлап, Китапханә дәресе үткәрделәр.

Эрнст Теодор Амадей Гофман – алман язучысы, әкиятче, композитор һәм рәссам. Балалар язучының гаҗәеп сәләтле кеше булганын белде. Ул бик әйбәт укыган һәм күп төрле музыка коралларында уйнаган. 1805 елда Гофман кумиры булган Вольфганг Амадей Моцартка хөрмәт йөзеннән үзенең беренче «Вильһельм»исемен «Амадей»га үзгәртә.

Яшь укучылар игътибарына язучының танылган «Щелкунчик һәм тычканнар патшасы» дигән тылсымлы әкияте тәкъдим ителде. Анда Мари исемле кыз һәм аның сихерләнгән яшь туганы Щелкунчик-принц тарихы сөйләнә. Малай Мышильда исемле патшабикә тарафыннан ямьсез курчакка әйләндерелә. Чын могҗизалар Раштуа вакытында башлана: нәни солдатлар белән башка уенчыкларга җан керә һәм алар Тычканнар патшасы гаскәренә каршы көрәшәләр; Щелкунчик Марины мавыктыргыч сәяхәткә чакыра һәм үзенең тылсымлы «Курчак патшалыгы» дигән илен күрсәтә.    

Балалар презентацияне  зур кызыксыну белән карадылар,  актив рәвештә викторинада катнаштылар һәм бирелгән барлык сорауларга да уңышлы җавап бирделәр. Бүлек хезмәткәрләре кечкенә генә сюрприз әзерләгән иде – балаларга театральләштерелгән тамашада катнашырга тәкъдим ителде. Үз рольләрен балалар бөтен актерлык сәләтләрен эшкә җигеп күрсәттеләр, кызыклы һәм сәнгатьле итеп башкардылар. Тамашада әдәби чарага килгән барлык мәктәп укучылары да (15 кеше) катнашты.

Дәрес иҗади һәм дустанә рухта узды. Укучылар әкият дөньясында алга таба да яңа маҗаралар көтеп калды.