Bienvenido! Испан телен өйрәнәбез

2020 елның 17 февралендә Татарстан Республикасы Милли китапханәсенең чит телләрдәге әдәбият бүлегендә (Казан, К.Маркс ур., 36 йорт) испан телен өйрәнергә теләүчеләр өчен дәресләр башланды.

Дәреснең модераторы – Казан (Идел буе) федераль университеты студенты, Колумбия башкаласы Богота шәһәреннән килгән Карлос Андрес Мансера Луна. Беренче очрашуда дәрестә катнашучылар «Сәламләү», «Үзең турында», «Һөнәрләр» һәм «Сан» темаларына караган лексик берәмлекләр белән таныштылар. Модератор артыннан испан телендә беренче фразаларын да әйтә башладылар. Чарада катнашкан 9 кеше дә үзара бик рәхәтләнеп аралашты.

Испан телен үзләштерергә һәм дөньяга карашларын киңәйтергә теләүчеләрнең барысын да очрашуларда һәр дүшәмбе 18.00 сәгатьтә К. Маркс ур., 36 йорт адресы буенча көтеп калабыз.

Дәреснең бәясе – 1 сәгате 50 сум.

Белешмәләр өчен телефоннар: (843) 292–25–20, 292–50–49.