Татарстан Республикасы Милли китапханәсе ресурслары экскурсоводларга ярдәмгә
2020 нче елның 18 нче февралендә Татарстан Республикасы Милли китапханәсенең мәгълүмат-библиография бүлегендә (Кремль ур., 33 нче йорт) «Комфест»өстәмә һөнәри белем бирү уку үзәге экскурсоводлары өчен Мәгълүмат көне узды.
Экскурсоводлар китапханәнең басма һәм электрон мәгълүмат ресурслары белән таныштылар. Алар өчен электрон каталогтан һәм китапханәнең башка белешмә-мәгълүмат ресурсларыннан мәгълүмат эзләү буенча киңәшләр бирелде, Татарстан Республикасы Милли китапханәсе сайтының һәм Татарстан Республикасы Милли электрон китапханәсе порталының виртуаль мәгълүмати ресурслары тәкъдим ителде, шулай ук Интернет челтәрендәге Казан һәм Татарстан һәйкәлләре турындагы кызыклы мәгълүмат ресурсларына күзәтү ясалды. «Шәһәр портретына 100 штрих» дигән CD-дискларның электрон коллекциясе тәкъдим ителде һәм алардан видеоөзекләр күрсәтелде.
Экскурсоводлар шәһәрнең истәлекле урыннары һәм шәһәр буенча экскурсияләр үткәрү методикасы турындгы басмалардан оештырылган күргәзмә белән таныштылар.
