ТАССРның 100 еллыгын каршылап

2020 елның 18 февралендә Татарстан Республикасы Милли китапханәсенең вакытлы матбугат бүлеге хезмәткәрләре Казан шәһәре Идел буе районының «139 нчы гимназия–Мәгариф үзәге»ндә 4 нче сыйныф укучылары өчен Татарстан АССР төзелүнең 100 еллыгына багышланган мәгълүмат көне үткәрде.

Очрашу башында китапханәчеләр укучыларны республиканың иң зур китапханәсе – Татарстан Республикасы Милли китапханәсе белән таныштырды.

Бүлек хезмәткәрләре юбилейга презентация әзерләделәр, «Пионер», «Ялкын», «Яшь ленинчы», «Сабантуй», «Салават күпере», «Зонтик» һәм башка газета-журналларга күзәтү ясадылар, совет чоры балаларының актив һәм кызыклы тормышы турында сөйләделәр.

Балалар журналлары һәм газеталары яшь укучыларга дөнья турында белем бирә, иҗади сәләтләрен үстерә, хезмәт күнекмәләре тәрбияли. Аларда шигырьләр, әкиятләр, тормышчан мәкаләләр урын алган.

Укучылар китапханә фондларында сакланган журналлардан элек балаларның нинди уеннар белән мавыгулары, нинди мәктәпләрдә укулары, өлкән иптәшләренә һәм укытучыларга хөрмәт белән караулары турында күп файдалы мәгълүмат алдылар.

Балалар, булган белемнәрен эшкә җигеп, викторинада катнаштылар һәм сорауларга җавап бирделәр. Китапханә, анын фондлары белән кызыксынып, үзләрендә бердәм укучы билеты булдыру теләген әйттеләр.