Балалар һәм яшүсмерләр өчен инглиз теле клубында яңа темалар

2020 елның 18, 25 гыйнвар һәм 1, 8 февраль көннәрендә Татарстан Республикасы Милли китапханәсенең чит телләрдәге әдәбият бүлегендә (Казан, К.Маркс ур., 36 йорт) балалар һәм яшүсмерләр өчен инглиз теле клубының чираттагы очрашулары узды.

Соңгы дәресләрдә кече яшьтәге мәктәп укучылары һәм яшүсмерләр сүзлек байлыкларын арттырдылар, ә грамматикадан «дөрес һәм дөрес булмаган фигыльләр» темасын өйрәнделәр. Әлеге фигыльләрнең үткән замандагы формалары ясалышын, «Киләчәк заман һәм дәвам иткән киләчәк заман фигыльләре» темасын карап үттеләр. Дәресләрнең берсен Казан (Идел буе) федераль университетының медицина факультеты икенче курс студенты Джой Оконкойо уздырды, ул клуб эшенә актив кушылды, ә балалар яңа укытучыны җылы каршы алдылар.

Алган белемнәрне ныгыту команда белән уеннар уйнау ярдәмендә барды, балалар барлык сорауларга да җавап бирде, өй эшләрен тикшерде, яңа сүзләр белән танышты.

Коммуникатив дәресләр – тел киртәләрен җиңү, белемне тирәнәйтү һәм вакытны файдалы үткәрү өчен иң кулай ысул.

Барлык теләүчеләрне Казанның К.Маркс ур., 36 йорт адресы буенча көтеп калабыз.

Белешмәләр өчен телефоннар: (843) 292-25-20, 292-50-49.