Инглиз телендә аралашу клубында урбанистика

2020 елның 25 феврале, сишәмбе

2020 елның 8 февралендә Татарстан Республикасы Милли китапханәсенең чит телләрдәге әдәбият бүлегендә (Казан, К.Маркс ур., 36 йорт) инглиз телендә аралашу клубының чираттагы очрашуы узды. Очрашуда күтәрелгән тема – урбанистика.

Клубка йөрүчеләрнең саны артты, инглиз телен яратучы яңа катнашучылар җылы каршы алынды һәм әңгәмәгә җиңел кушылды. Килүчеләрнең барысы да диярлек узган атналары ничек узуы турында кызыклы итеп сөйләде, шуннан соң яңа тема буенча фикер алышуга күчтеләр.

Соңгы арада «урбанистика» сүзе бик популярлашты. Инглиз телендә аралашу клубы әгъзалары да шәһәр төзелеше, транспорт челтәрләре проблемалары турында фикер алышты һәм үз тәэсирләре белән уртаклашты. Шулай ук инглиз телен яратучылар әлеге темага аудиоязма тыңлады һәм белемнәрен грамматик биремнәр эшләп ныгытты.

Очрашу дустанә һәм иркен атмосферада узды.

Клуб эшенә кушылырга теләүчеләрне Казанның К. Маркс ур., 36 йорт адресы буенча һәр шимбә сәгать 11.00дә көтеп калабыз.

Теркәлү өчен телефоннар: (843) 292-25-20, 292-50-49.

 

 

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International