Тормыш яме – Әни, Хатын-кыз!

2020 елның 1 мартыннан 31 мартына кадәр Татарстан Республикасы Милли китапханәсенең икенче бинасындагы уку залында (Казан, К.Маркс ур., 36 йорт) вакытлы матбугат бүлеге хезмәткәрләре әзерләгән, Халыкара хатын-кызлар көненә багышланган «Тормыш яме – Әни, Хатын-кыз» дигән күргәзмә эшли.

Язның иң беренче, иң күңелле бәйрәме якынлаша. Бу көн – гүзәл затларыбызны олылау, аларга аерата игьтибар күрсәтү көне. Хатын-кыз – ул тулы бер дөнья, аның күңеленә мәхәббәт тә, гүзәллек тә, йомшаклык та, иң көчле Ана хисләре дә, гаилә учагы җылысы да сыйган.

Күргәзмәдә җырчы, актриса, очучы, снайпер ханым-туташлар һәм гади әниләр турында сөйләүче мәкаләләрне үз эченә алган «Здоровье», «Татарстан», «Азат хатын», «Республика Татарстан», «Ватаным Татарстан», «Мәдәни җомга» һәм башка күп төрле газета һәм журналлар урын алган.

Вакытлы матбугат бүлеге барлык хатын-кызларга да бу матур көндә күңел күтәренкелеге һәм кабатланмас яңа хис-кичерешләр тели!

Күргәзмәгә рәхим итегез!