Үзең тудырган матурлык
Татарстан Республикасы Милли китапханәсенең сәнгать бүлеге (Казан, Театр ур., 5 йорт) «Сәнгати хыяллар дөньясы» дип аталган күргәзмәләр циклын дәвам итә һәм укучылар игътибарына кул эшләренә багышланган «Үзең тудырган матурлык» дигән китап күргәзмәсе тәкъдим итә.
Хәзерге вакытта кул эшләре белән кызыксыну арта. Әлбәттә, бүген кирәкле әйберне сатып алу кыен түгел, ләкин үз кулларың белән ясалган әйберләрнең – чигү, бәйләү, бисер белән чигү, декупаж, аппликация һ.б.ның – һәрвакыт аерым, кабатланмас үзенчәлеге бар.
Күргәзмәдә тәкъдим ителгән китаплар сезгә нинди дә булса кул эше белән шөгыльләнеп карау теләген уятачак, үз көчегезне сынап карарга һәм үз кулларыгыз белән матур, өегезне бизәрдәй әйбер ясарга, гаиләгез, дусларыгыз һәм танышларыгыз өчен оригиналь бүләк әзерләргә ярдәм итәчәк.
Үзегезне дә сөендерегез һәм якыннарыгызны да яхшы бүләк ясап шаккаттырыгыз!
Күргәзмә 2020 елның март ае дәвамында эшли.