Атаклы шымчы эзләреннән…

2020 елның гыйнвар, март айларында Татарстан Республикасы Милли китапханәсенең укучыларга хезмәт күрсәтү бүлеге хезмәткәрләре (Казан, Кремль ур., 33 йорт) «Мин – укучы» әдәби проекты кысаларында Казан шәһәре Авиатөзелеш районының 117 нче һәм аерым фәннәрне тирәнтен өйрәнүче 54 нче урта гомуми белем бирү мәктәпләре укучылары өчен, шулай ук Казан шәһәре Совет районының П.А. Полушкина исемендәге 101 урта гомуми белем бирү мәктәбе укучылары өчен Шерлок Холмс турындагы хикәяләр буенча «Яшерен бүлмә» квест-уены үткәрделәр.

Әдәби-маҗаралы квест этапларын узгач, балалар дөнья күләмендә танылган инглиз язучысы Артур Конан Дойл (1859–1930) тормышыннан кызыклы фактлар белделәр һәм аның иң популяр әсәрләре белән таныштылар. Уенның нигезендә атаклы һәм даһи шымчы Шерлок Холмс турындагы тарих ята. Балалар аның җинаятьләрне ачуда ярдәм иткән зирәклеге, шулай ук мавыгулары турында күп нәрсә белделәр.

Чараның максаты – сихерле бүлмәдә яшеренгән серле әйберне эзләү иде, балалар зирәклек күрсәтте, катлаулы биремнәрне үтәде, башваткычлар чиште һәм куелган сорауларга җавап бирде. Маршрутның барлык этапларын узгач, катнашучылар батыр, көчле, җитез яшь укучыларга, кыенлыклар алдында югалып калмаучыларга, дуслык кадерен белүчеләргә һәм кызыклы маҗаралар яратучыларга бирелә торган «Яшь шымчы дипломы» белән бүләкләнделәр

Мавыктыргыч маҗарада катнашырга теләүчеләргә белешмәләр өчен телефон: (843) 292-70-98.