Милли китапханәдә Хәсән Туфан тупланмасы

2020 елның 9 марты, дүшәмбе

Татарстан Республикасы Милли китапханәсенең сирәк китаплар һәм кулъязмалар бүлегендә халык шагыйре Хәсән Туфан тормышына һәм иҗатына кагылышлы кулъязма һәм фото документлар саклана.

Әлеге тупланмага кергән материаллар арасында  композитор Сара Садыйкованың Хәсән Туфан һәм Әхмәт Рәшитов сүзләренә язган җырларының нота кулъязмалары да бар.

Кулъязмалар арасында берсе аеруча кыйммәтле: ул композитор тарафыннан Хәсән агага һәдия (бүләк) язулысы. Сара Садыйкова Хәсән Туфанның «Шигърия» дип аталган әсәренә язган көйнең нота кулъязмасын бүләк итеп мондый сүзләр язып куйган: «Сөекле Шагыйребез, борыңгы дустым Хәсәнгә мәңгелек истәлек. 1980 ел. Казан».

  

 

 

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International