Дисней патшабикәләре белән 8 март бәйрәме

2020 елның 6 марты, җомга

2020 елның 5 мартында Татарстан Республикасы Милли китапханәсенең чит телләрдәге әдәбият бүлегенә (Казан, К.Маркс ур., 36 йорт) Казан шәһәренең 39 нчы гимназия укучылары килде.

8 Март бәйрәме алдыннан бүлек хезмәткәрләре «Халыкара хатын-кызлар көне» дигән презентация әзерләде. Алар укучыларга әлеге бәйрәмнең тарихы һәм төрле илләрдә ничек бәйрәм ителгәне турында сөйләде. Әмма балалар патшабикәләр (принцессалар) турындагы хикәятләр белән барыннан да күбрәк кызыксынды. Укучылар Дисней патшабикәләренең тарихлары, туган җирләре турында белде. Бүлек хезмәткәрләре патшабикәләр образлары кергән әкиятләр һәм аларның авторлары турында бәян итте.

Балалар презентацияне кызыксынып тыңлады, мультфильмнардан өзекләр карады, сорауларга актив җавап бирде, рәсемнәр буенча биремнәр үтәде, Дисней принцлары һәм принцессларының исемнәрен атады. Дәрес 8 мартка ачык хат (открытка) ясау буенча остаханә (мастер-класс) белән дәвам итте. Балалар зур тырышлык белән матур открыткалар ясап, әниләренә җылы теләкләр яздылар.

Чара кысаларында балаларга китаплар (Шарль Перро, бертуган Гримм, Альфонс Доде һ.б.) һәм чит телләрдә балалар журналлары күргәзмәсе тәкъдим ителде. Китапханәгә килгән 21 баланың барысына да бердәм укучы билетлары тапшырылды.

Чара иҗади һәм дустанә рухта узды, ул балаларның хәтерендә әле озак сакланыр.

  

 

 

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International