Франкофония көннәре кысаларында Франция традицияләре һәм бәйрәмнәре турында

2020 елның 10 марты, сишәмбе

Ел саен бөтен дөньяда Халыкара Франкофония бәйрәме билгеләп үтелә. Шушы уңайдан Татарстан Республикасы Милли китапханәсенең чит телләрдәге әдәбият бүлеге (Казан, К.Маркс ур., 36 йорт) хезмәткәрләре Казан (Идел буе) федераль университеты укытучылары һәм студентлары белән очрашу уздырды. Кунакларга китапханә һәм бүлек буенча виртуаль экскурсия үткәрелде. 7 меңнән артык документ тупланган Француз телендәге әдәбият фонды турында әйтелде, чит илләрнең Gallimard, Larousse, Robert һ.б. алдынгы нәшриятлары күргәзмәдә тәкъдим ителде.

Халыкара Франкофония оешмасы 80 дәүләтне берләштерә, француз телендә биш континентта сөйләшәләр. Гореф-гадәтләр турында әйткәндә, антик чорга һәм урта гасырларга барып тоташкан төбәк мәдәниятләренең күптөрлелеген һәм бергә кушылуын ассызыклап үтәргә кирәк. Барлык француз бәйрәмнәре өч төрле: милли, төбәк һәм дини. Зур милли бәйрәмнәргә мисал итеп Бастилияны алу, фашизмнан азат итү көннәрен атарга мөмкин.

Франциянең барлык төбәкләре дә бер-берсеннән нык аерылганга, бәйрәмнәре дә үзгә. Ландышлар көне, Божоле Нуво, Ментондагы Карнавал, Марди Гра кебек бәйрәм исемнәре әйтелде. Француз халкы өчен Пасха дини бәйрәм генә булып калмый.

Чарада Ливия рәссамы Кал Годжумның кызыклы пейзажлары булган «Франциядә 13 көн» дигән искиткеч фильм күрсәтелде. Француз композиторы Франсис Лей музыкасы яңгырады.

Соңыннан 16 студент һәм укытучыларга А.Доденың «Куылудагы корольләр» әсәреннән сәнгатьле уку өчен өзек тәкъдим ителде. Кунаклар әсәрдә тасвирланган бәйрәм атмосферасына чумды.

Китапханә кунаклары Франкофония көннәре кысаларында оештырылган чарада зур кызыксыну белән катнашты, хәтта университет укытучылары да үзләре өчен Франция мәдәнияте турында яңа мәгълүмат алуларын таныдылар. Бүлек хезмәткәрләре тарафыннан махсус әзерләнгән Француз телендәге документлар күргәзмәсе дә игътибардан читтә калмады.

Очрашу алкышлар белән тәмамланды.

  

  

 

 

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International