Балалар һәм яшүсмерләр өчен инглиз теле клубында бергә китап укыйбыз

2020 елның 14 мартында Татарстан Республикасы Милли китапханәсенең чит телләрдәге әдәбият бүлегендә (Казан, К.Маркс ур., 36 йорт) балалар һәм яшүсмерләр өчен инглиз теле клубының чираттагы очрашуы узды.

Әлеге дәреснең темасы «Уку» иде. Уку күнекмәләрен формалаштыру чит телләрне өйрәнүнең барлык этапларында да иң мөһим өлешләрнең берсе булып санала. 

Кече яшьтәге укучылар Америка язучысы Луиза Эрдричның  «The Range Eternal» әсәре белән танышты. Балалар китаптан өзекләр укыды һәм шулай итеп уку һәм сөйләү күнекмәләрен ныгытты. Әсәр геройлары белән кызыклы сәяхәт яңа сүзләрне өйрәнүдә ярдәм итте. Шулай итеп укучы балалар инглиз телендә сүзләр әйтелешен яхшырттылар һәм хикәянең төп мәгънәсен дә аңладылар.

Дәрес ахырында укучылар яңа сүзләр белән диктант язды. Дәрестә барысы да актив катнашты һәм барлык биремнәрне авырлыкларсыз үтәде.

Очрашу җылы һәм дустанә рухта узды.

Балалар һәм яшүсмерләр өчен инглиз теле клубының эшчәнлегенә кушылып китәргә теләүчеләрнең һәммәсен дә Казанның К.Маркс ур., 36 йорт адресы буенча көтеп калабыз.

Белешмәләр өчен телефоннар: (843) 292-25-20, 292-50-49.