«Яраткан артистларыбызның таныш йөзләре» дип аталган күргәзмәгә видеокүзәтү

2020 елның 25 марты, чәршәмбе

Татарстан Республикасы Милли китапханәсенең күргәзмәләр һәм мәдәни программалар бүлеге (Казан, Кремль ур., 33 йорт) «Яраткан артистларыбызның таныш йөзләре» дип аталган күргәзмәгә видеокүзәтү тәкъдим итә. Ул 27 мартта билгеләп үтелүче Халыкара театр көненә багышланган.

2020 ел театр сәнгате осталарының юбилейларына шактый бай. Күргәзмәдәге китаплар һәм журналлар күренекле артистларның фидакяр хезмәте турында сөйли. Галиәсгар Камал исемендәге Татар дәүләт академия театры артистлары арасында юбилярлар аеруча күп. Түгәрәк дата – күренекле артистларның иҗатына тиешле бәя бирү, тантаналы чаралар үткәрү, тормыш сукмаклары турында уйлану өчен матур мөмкинлек.

Күргәзмәгә яки видеокүзәтүгә кагылышлы сорауларыгыз туса, күргәзмәләр һәм мәдәни программалар бүлегенә мөрәҗәгать итә аласыз. Телефон: (843) 292-72-35; e-mail: Vist.Zal@tatar.ru

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International