Тарихчы С.М.Соловьевның тууына 200 ел тулуга карата

Татарстан Республикасы Милли китапханәсе сайтына «Һәр юлда – тарих авазы» дигән виртуаль китап күргәзмәсе куелды. Ул революциягә кадәрге Россиянең күренекле тарихчысы Сергей Михайлович Соловьевның (1820–1879) тууына 200 ел тулуга багышланган.

Күргәзмәдә аның «Борынгы заманнардан башлап Россия тарихы» хезмәте тәкъдим ителә, ул рус тарих фәненең горурлыгы саналучы галимнең фәнни иҗатында иң югары казаныш булып тора.

Күргәзмә шулай ук галимнең «Польшаның җиңелү тарихы (1863)», «Халыкларның тарихи тормышын күзәтү» (1868–1876), «Бөек Петр турында җәмәгатьчелек укулары» (1872), «Император Александр Беренче: Сәясәт – Дипломатия» (1877) һәм башка күләмле хезмәтләре белән дә таныштыра.

Замандашлары Соловьевны, үз чорындагы галимнәр һәм язучылар арасында иң нәтиҗәле эшләве, акылы, киң эрудициясе, гаҗәеп хезмәт сөючәнлеге белән аерылып тора, дип язалар. С.М. Соловьевның тормышы һәм эшчәнлеге турында замандашларының фикерләре дә күргәзмәдә киң чагылыш тапкан. Шулар арасыннан К.Н.Бестужев-Рюмин, В.Ключевский, Н.И.Цимбаев, П.В.Безобразов хезмәтләрен күрсәтергә була.

Күргәзмә мәгълүматлы, матур бизәлешле итеп ясалган һәм читтән торып кулланучыларга исәпләнгән.