Кулъязма ядкәрләребез
Татарстан Республикасы Милли китапханәсенең кулъязмалар һәм сирәк китаплар бүлеге «Кулъязма ядкәрләребез. Сәгъдетдин әт-Тәфтазаниның «Мохтасарел-мәгани фи гыйльмел-бәлягать» хезмәте күчермәсе» дигән виртуаль күргәзмә тәкъдим итә.
2011 елда Татарстан Республикасы Милли китапханәсенә, башка язма һәм басма истәлекләр белән беррәттән, бер кызыклы кулъязма тапшырылды. Аның төп өлешен XIV гасыр күренекле мөселман галиме Сәгъдетдин әт-Тәфтазаниның «Мохтасарел-мәгани фи гыйльмел-бәлягать» («Матур сөйләү турында рисаләнең кыскартылмасы») исемле хезмәте күчермәсе тәшкил итә.
Кулъязманың палеографик үзенчәлекләре һәм андагы язулар нөсхәнең күренекле татар галиме Габденнасыйр Курсави милкендә булганлыгын фараз итәргә һәм шактый төгәллек белән әлеге китап ияләрен ачыкларга мөмкинлек бирә.
Күргәзмә Шәрык кулъязма китабы тарихы белән кызыксынучыларга тәгаенләп әзерләнгән.