Татарстанның фронт hәм тыл каһарманнары

ТР Милли китапханәсенең күргәзмәләр һәм мәдәни программалар бүлеге (Казан, Кремль ур., 33 йорт) Бөек Җиңүнең 75 еллыгына багышланган «Татарстанның тыл һәм  фронт каһарманнары» дип аталган виртуаль күргәзмә тәкъдим итә.

2020 ел илебездә Хәтер һәм Дан елы дип игълан ителде. Күргәзмә сугыш елларында Татарстан халкының хәрби һәм хезмәт батырлыгына багышланган. Җиңү көне фронтта һәм тыл хезмәтчәннәренең батырлыкларынан башка мөмкин булмас иде. Татарстан иң зур тыл базасы булды, анда 70тән артык эвакуацияләнгән сәнәгать оешмалары урнашкан иде. Алар фронтка корал һәм сугыш кирәк-яраклары, самолетлар, кием-салым һәм азык-төлек җитештерәләр. Галимнәр, табиблар, укытучылар һәм музыкантлар, гади хезмәтчәннәр һәркайсы үз өлешләрен керттеләр.

Безнең республика тарихи җиңүгә зур өлеш кертте. 200 меңнән артык якташыбыз орден һәм медальләр белән бүләкләнде. 200 кеше – Советлар Союзы Герое исеменә лаек булды. Бөтен дөньяга каһарманлык һәм тугрылык символы булып шагыйрь Муса Җәлил исеме яңгырады.

Сугыш сынаулары безнең халыкны берләштерде. Үз көчләрен, тормышларын Җиңү көнен якынайтуга багышлаган батырларны без һәрвакыт истә тотарга, бу тарихны киләчәк буынга тапшырырга тиеш.

Безнең виртуаль күргәзмә Бөек Ватан сугышы турында китаплар уку белән кызыксынуны арттырыр дип ышанабыз.