Май аенда истәлекле даталар
Игътибарыгызга ТР Милли китапханәсенең татар әдәбияты һәм туган якны өйрәнү бүлеге хезмәткәрләре «2020 елның май ае өчен истәлекле һәм онытылмас даталар календаре» исемле виртуаль күргәзмә тәкъдим итә. Биредә урын алган истәлекле даталар Татарстанның иҗтимагый, сәяси, хуҗалык, мәдәни тормышындагы тарихи вакыйгаларны һәм фактларны, шулай ук күренекле шәхесләрнең – язучыларның, фән, мәгариф, мәдәният һәм сәнгать эшлеклеләренең – юбилейларын чагылдыра. Күргәзмәдә алар турында кыскача мәгълүмат, танылган шәхесләр турындагы китапларның исемлеге, рәссамнарның картиналары, язучыларның төп басма китапларының тышлыклары һәм библиографик тасвирламалары бирелде. Юбилей даталары хронологик тәртиптә урнаштырылды.
Күргәзмә китапханәчеләргә, музей, радио һәм телевидение, матбугат хезмәткәрләренә, укытучыларга, туган якны өйрәнүчеләргә кызыклы һәм файдалы булыр.
Рәхим итеп карагыз!