Хөрмәтле укучыларыбыз! Бөек Җиңүнең 75 еллыгы якынлаша. Бу көннәрдә без сугышта үз-үзләрен аямыйча үлемгә каршы барган сугыш геройларын, үз хезмәтләре белән җиңүне якынайткан тыл батырларын искә алабыз. Без яу кырында һәлак булучылар алдында баш иябез. Дистәләгән еллар уза, буыннар алмашына, әмма халкыбызның бөек батырлыгы турындагы хәтер безнең йөрәкләрдә саклана. Ел саен безнең күпләребез «Үлемсез полк» хәтер акциясендә катнаша. Хәзерге вакытта илебездә барган авыр вакыйгаларга карамастан, бу традицияне онлайн форматында дәвам итәргә тәкъдим итәбез. ТР Милли китапханәсе «Үлемсез полк» патриотик акциясенә кушыла. @kitaphane_tatarstan_victory аккаунтында без сезне бабаларыбызның, якын кешеләребезнең батырлыклары белән таныштырачакбыз. Беркем дә онытылмый, бернәрсә дә онытылмас!!!. Теләгән кешеләр үзләренең социаль челтәрләр битләрендә #Үлемсезполконлайн һәм #ҮлемсезполкТатарстан хэштеглары белән постны бастырып, әлеге акциядә катнаша ала.