Халыкара музейлар көненә багышланган виртуаль күргәзмә
Ел саен 18 май көнне бөтен дөньяның музей хезмәткәрләре үзләренең һөнәри бәйрәмнәрен билгеләп үтә.
Халыкара музейлар көне 1977 елдан башлап билгеләп үтелә. Ә 1978 елдан башлап Халыкара музейлар көне 150дән артык илдә билгеләп үтелә башлый.
Музейлар аша җәмгыять үзенең тарихи-мәдәни мираска мөнәсәбәтен белдерә. Матди һәм рухи мәдәният һәйкәлләрен җыеп һәм саклап, музейлар зур фәнни-агарту һәм белем бирү-тәрбияләү эшләрен башкара.
Әлеге дата уңаеннан, Татарстан Республикасы Милли китапханәсенең мәгълүмат-библиография бүлеге «Музейлар – кешелекнең рухи байлыгы» дип исемләнгән виртуаль күргәзмә тәкъдим итә. Күргәзмәдә бүлек фондындагы белешмә басмалар урын алган.
Виртуаль күргәзмәдә түбәндәге бүлекләр белән танышырга мөмкин:
- Музейлар – кешелекнең рухи байлыгы
- Бөек шәһәрләр һәм музейлар
- Россия музейлары
Күргәзмә интернеттан файдаланучы киң катлам укучыга кызыклы булыр дип уйлыйбыз.