Китапханә – серле дөнья

2020 елның 26 мае, сишәмбе

Татарстан Республикасы Милли китапханәсенең вакытлы матбугат бүлеге (Казан, К.Маркс ур., 36 нчы йорт) Гомумроссия Китапханәләр көненә багышланган «Бергә укыйбыз» исемле виртуаль күргәзмә тәкъдим итә.

Күргәзмә бүлекләре Татарстан Республикасы төп китапханәсенең тарихы һәм бүгенгесе белән таныштыра. Бүлекләрнең берсендә китапханә эше буенча вакытлы басмалар тәкъдим ителә. Коллектив һәм партнерларның тырышлыгын берләштергән проектлар булдырырга мөмкинлек бирүче күп функцияле китапханә эшчәнлегенә аеруча зур игътибар бирелә.

Китап, журналлар, газеталар уку булачак һөнәрне, тормыш юлын дөрес сайларга өйрәтә, кешенең хыялын тормышка ашырырга ярдәм итә.

Күргәзмәнең бер өлеше китапханәчеләргә – Татарстан Республикасы Милли китапханәсе хезмәткәрләренә багышлана.

Барлык хезмәттәшләребезне һәм укучыларыбызны Гомумроссия Китапханәләр көне белән котлыйбыз!

 

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International