5 июнь – Бөтендөнья әйләнә-тирә мохитне саклау көне
Татарстан Республикасы Милли китапханәсенең мәгълүмат-библиография бүлеге, Бөтендөнья әйләнә-тирә мохитне саклау көне уңаеннан, игътибарыгызга виртуаль күргәзмә тәкъдим итә.
Билгеле булганча, һәр ел 5 июньдә планета халкы халыкара экология бәйрәмен − Бөтендөнья әйләнә-тирә мохитне саклау көнен билгеләп үтә.
Аңа 1972 елда БМОның Генераль ассамблеясе тарафыннан нигез салына. Бәйрәмнең барлыкка килү тарихы әйләнә-тирә мохит проблемаларына багышланган конференция үткәрелүгә бәйле. 1972 елда Стокгольмда әйләнә-тирә мохитне саклау буенча Бөтендөнья киңәшмә булып уза, анда илнең, шул исәптән Советлар Союзының да 113 дәүләтеннән вәкаләтле вәкил катнаша. Чарада катнашучылар 5 июньдә ел саен Бөтендөнья әйләнә-тирә мохитне саклау көне буларак уздыру карарына килә.
Һәр Бөтендөнья әйләнә-тирә мохит көнен бәйрәм итү иң актуаль экологик проблемага нигезләнгән тема тирәсендә оештырыла.
Ел саен бәйрәмнең тематикасы һәм девизы билгеләнә, төп халыкара чараларны үткәрү урыны сайлана. 2020 елда, Бөтендөнья әйләнә-тирә мохит көне уңаеннан, тантаналар Колумбиядә узачак. 2020 елда Көн темасы биологик төрлелекне саклауга багышланган.
Күргәзмәдә бүлек фондындагы белешмә басмалар урын алган.