Минем Ватаным – Россия

12 июньдә Россия Федерациясендә илебезнең иң яшь дәүләт бәйрәмнәренең берсе − Россия көне билгеләп үтелә.

Россия көне – Россия Федерациясенең яңа тарихын һәм дәүләтчелеген билгеләгән төп бәйрәме. Бу бәйрәм 1990 елда РСФСР халык депутатларының 1 нче съездында кабул ителгән Россиянең дәүләт суверенитеты турындагы Декларациягә кул куюдан башлана. Декларацияне кабул итү көне Россия дәүләтчелеге барлыкка килүенең башлангычы санала. Бер елдан соң, 1991 елның 12 июнендә, РСФСР ның беренче президенты сайлана. Шул ук елның 25 декабрендә Дәүләт яңа исем ала − Россия Федерациясе (Россия). 1992 елдан башлап 12 июнь ял көне, ә 1994 елдан – төп дәүләт бәйрәме − Россия бәйсезлеге көне дип игълан ителә. 1998 елдан РФ Президенты Указы буенча бу көн Россия көне дип атала, 2002 елда бәйрәмнең яңа исеме Хезмәт Кодексында беркетелә.

Әлеге дата уңаеннан, Татарстан Республикасы Милли китапханәсенең мәгълүмат-библиография бүлеге «Минем Ватаным – Россия» дип исемләнгән виртуаль күргәзмә тәкъдим итә. Күргәзмәдә бүлек фондындагы белешмә басмалар урын алган.

Виртуаль күргәзмәдә түбәндәге бүлекләр белән танышырга мөмкин: 

• Болар барысы да  − Россия турында 
• Россия тарихы. Гасырлардан-гасырларга
• Россия халыклары

Күргәзмә интернеттан файдаланучы киң катлам укучыларга тәгаенләнгән.