Эшләгәннең – кулында...
Татарстан Республикасы Милли китапханәсенең вакытлы матбугат бүлегендә Кул эшләрен яратучылар клубы эшләп килә. Ул барлык теләүчеләрне канзаши техникасы белән бизәнү әйберләре ясау буенча онлайн остаханәгә (мастер-класска) чакыра. Эшләнмә Россия флагы төсләрендә башкарыла һәм Россия көненә багышлана.
Канзаши – кытай һәм япон причёскаларында кулланыла торган, ефәк материалдан ясалган чәч бизәгече. Бу сәнгать үз тамырлары белән XVII гасырга ук барып тоташа. «Канзаши» сүзенең тәрҗемәсе – чәч кыстыргыч (шпилька).
Ул вакытта канзаши хатын-кыз костюмнарының алыштыргысыз аксессуары буларак кына кулланылмаган, хәтта аларның гаилә хәлен, социаль статусын, характерын да күрсәткән.
Нигездә вакытлы матбугат бүлегенә килгән журналларны кулланып үткәргән мастер-класслар бик популяр һәм аларның үз аудиториясе бар.
Бу мастер-классларга ел буена дистәләгән кеше җәлеп ителде, клуб шәһәр һәм республика чараларында да актив катнашты. 2019 елның декабрь аенда үткән очрашуларның берсендә «Татар-информ» журналистлары бик кызыксынып Яңа ел сувениры ясадылар.
Эпидемиологик вәзгыять уңаеннан китапханәнең үзендә дәресләр вакытлыча үткәрелмәсә дә, без Сезне бизәнү әйберләре ясау буенча мавыктыргыч онлайн-дәрескә чакырабыз!