Олуг мирасларына хөрмәт белән

Татарстан Республикасы Милли китапханәсенең вакытлы матбугат бүлеге китапханә сайтыннан файдаланучылар игътибарына «Олуг мирасларына хөрмәт белән» дип исемләнгән виртуаль күргәзмә тәкъдим итә. Ул танылган рус шагыйрьләре С. Есенинның тууына 125, А. Фетның тууына 200 ел тулу уңае белән әзерләнде.

Күргәзмәгә куелган басмаларның сәхифәләре белән танышып, бу ике мәшһүр шәхеснең – сүз осталарының – шигъри дөньяларына яңадан бер мәртәбә күз салырга, күңелең кылларын тибрәтеп алырга, иҗатларындагы уртак төсмерләрне барларга мөмкин. Барыннан да бигрәк аларны табигатькә карата булган нечкә хисси мөнәсәбәтләре һәм мәңгелек мәхәббәт темасы берләштерә. Әсәрләрендәге әлеге хасиятләр С. Есенин һәм А. Фет иҗатларының буеннан-буена күзәтелә, нәкъ әнә шулар шагыйрьләрне чын мәгънәсендә халыкчан итә, күп буын китап укучылар тарафыннан яраттыра да.

Күргәзмә киң җәмәгатьчелеккә тәгаенләнгән. Әдәбият белгечләренең һәм С. Есенин белән А. Фет мирасларына битараф булмаучыларның күңеленә аеруча хуш килер.