Күченү дәвам итә
Татарстан Республикасы Милли китапханәсенең Казан шәһәре, Пушкин урамы 86 нчы йорт адресында урнашкан бинасына күченү эше дәвам итә. Укучы каталогларын күчерү һәм урнаштыру төгәлләнеп килә.
Каталоглар – китапханәнең мие ул. Алар хәтерендә безнең фондларда тупланган барлык китаплар турында мәгълүмат саклана. Татарстан Республикасы Милли китапханәсенең каталоглары 2 500 махсус тартмада урын алган. Болар – бары тик китап укучылар өчен тәгаенләнгән алфавит тәртибендәге һәм системалы каталоглар гына әле. Каталогларны күчерү эше бик җаваплы һәм аеруча зур игътибар таләп итә.
Хәзерге вакытта яңартылган бина буенча экскурсияләр үткәрелә. Экскурсиядән соң теләгән һәркемнең укучы билеты алу мөмкинлеге бар. Сентябрь аенда 500 китап укучы теркәлде инде.