«Цифрлашу чорында китапханәләр» басмасы дөнья күрде

Татарстан Республикасы Милли китапханәсенең «Милли китап» нәшриятында «Цифрлашу чорында китапханәләр» дигән басма дөнья күрде.

Басманың максаты – цифрлы коммуникацияләр системасында китапханәләрнең урынын саклап калу стратегиясен билгеләү, китапханәләрне җәмгыятьтә бүген һәм, бигрәк тә, иртәгесе көндә кирәкле оешма итәргә сәләтле үзгәртеп коруларның төп юнәлешләренә һөнәри җәмәгатьчелек игътибарын җәлеп итү.

Мәгълүмат массивын цифрлы формага әверелдерү мәгълүмат булдыру, эшкәртү, тарату һәм саклау белән бәйле барлык иҗтимагый институтларга карата таләпләрне тамырдан үзгәртә. Хәзерге буын күз алдында формалаша торган цифрлы мохиттә коммуникация турыдан-туры автор–укучы/файдаланучы дәрәҗәсендә тормышка ашырылырга мөмкин. Мәгълүмат коммуникацияләре системасында катнашучыларның барысына да, шул исәптән авторларга, китап укучыларга, наширләргә, китап сатучыларга, китапханәчеләргә дә, җитди үзгәрешләр чорын узарга туры киләчәк, бу аларга цифрлы җәмгыять чынбарлыгына җайлашырга мөмкинлек бирәчәк.

Басма цифрлы мәгълүмат чорында китапханәләр эшчәнлегенең актуаль проблемаларын: социаль челтәрләрдәге гамәлләрне, онлайн һәм Интернет челтәрендә эшләү формаларын яктырта. Китапханәчеләр IZI TRAVEL ресурсында эшләү мөмкинлекләре, шулай ук электрон китапларның форматлары турында мәгълүмат алачак.

Цифрлашу чорында китапханәләр / Татарстан Респ. Милли к-ханәсе; төз. О.И.Зуева; җав. мөх-ре И.Г. Һадиев. – Казан: Милли китап, 2020. – 76 б. – Рус телендә.