Өлкән затлар ихлас елмайса
Татарстан Республикасы Милли китапханәсенең вакытлы матбугат бүлеге, Халыкара өлкәннәр көненә багышлап, «Өлкән затлар ихлас елмайса» дип исемләнгән виртуаль күргәзмә тәкъдим итә.
Ел саен 1 октябрьдә бөтен дөньяда Халыкара өлкәннәр көне билгеләп үтелә. Россия әлеге чарага 1992 елдан кушылды. Бәйрәмнең максаты – җәмгыятьнең игътибарын олы кешеләргә, аеруча аз керемле, ялгыз, авыру, ярдәмгә мохтаҗ өлкәннәргә юнәлтү, аларның борчу-мәшәкатьләрен уртаклашырга чакыру.
Хәзерге көндә өлкәннәрнең тормыш-көнкүрешен яхшырту, социаль мәсьәләләрне хәл итү юнәлешендә максатчан эш алып барыла. Яңа социаль объектлар сафка баса, юллар салына, биналар төзекләндерелә. Бу яңалык, үзгәрешләр вакытлы матбугат битләрендә яктыртып барыла. Тәкъдим ителә торган виртуаль күргәзмә нәкъ менә шул сәхифәләрне файдаланып төзелгән.