Туган якны өйрәнүгә багышланган Халыкара конференциядә катнашу

2020 елның 2 октябрендә Татарстан Республикасы Милли китапханәсе Владимир шәһәрендә оештырылган, туган якны өйрәнүгә багышланган XXV нче Халыкара конференция эшендә катнашты.

Конференция Владимир өлкәсенең М.Горький исемендәге универсаль фәнни китапханәсе базасында әлеге өлкәнең Туган якны өйрәнүчеләр берлеге, А.Г. һәм Н.Г.Столетовлар исемендәге Владимир дәүләт университеты ярдәмнәре белән уздырылды.

Татарстан Республикасы Милли китапханәсен фәнни-методик бүлекнең баш китапханәчесе К.Б.Фәтхиева тәкъдим итте. Ул Бөек Ватан сугышында Җиңүнең 75 еллыгына багышланган пленар утырышта «ТАССРның В.И.Ленин исемендәге Республика китапханәсе 1941–1945 елларда» дигән онлайн-доклад белән чыгыш ясады.