Мәктәптә ватанпәрвәрлек тәрбияләү

2013 нче елның 19 нчы феврале көнне Татарстан Республикасы Милли китапханәсенең вакытлы матбугат бүлеге хезмәткәрләре Казан шәһәренең 10 нчы номерлы гимназиясендә булып, 6 нчы, 7 нче, 8 нче сыйныф укучылары өчен Татарстанда басылучы газета-журналларга күзәтү ясады.

Укучыларның төп игътибарын туган илгә, туган җиргә, туган шәһәргә мәхәббәтне пропагандалаучы газета-журналларга юнәлттеләр.

Газета-журналларга күзәтүне игътибар белән тыңлаганнан соң, балалар китапханәчеләрнең Казан тарихы, Татарстан язучылары, Бөек Ватан сугышы каһарманнары турындагы сорауларына җавап бирделәр.

Гимназия укучыларына Милли китапханә исеменнән бүләкләр дә тапшырылды.