«Зиһен тупламы» мәгълүмат көне
2020 елның 6 октябрендә Татарстан Республикасы Милли китапханәсенең яңартылган бинасында (Казан, Пушкин ур., 86 йорт) вакытлы матбугат һәм мәгълүмат-библиография бүлекләре тарафыннан Казан шәһәрендәге Идел буе физик культура, спорт һәм туризм дәүләт академиясе аспирантлары өчен «Зиһен тупламы» циклыннан мәгълүмат көне уздырылды.
Кунаклар өчен заманча китапханә, ачык файдаланылыш киңлекләре һәм башка ачык мәйданнар буйлап экскурсия оештырылды.
Классик китапханә өлешендә алар китапханәнең традицион белешмә аппараты (каталоглар), фәнни-тикшеренү эшләре барышында кулланыла торган белешмә-мәгълүмат чыганакларының төрләре белән таныштылар. Милли китапханәнең виртуаль уку залы аша Россия дәүләт китапханәсенең диссертацияләр электрон китапханәсе белән эшләү мөмкинлеге зур кызыксыну уятты.
Очрашуның моннан соңгы этабында «Спорт психологиясе буенча мәгълүмати ресурслар» дигән презентация күрсәтелде.
Барлык килгән кунакларга китапханә хезмәтләреннән даими файдалану һәм фәнни тикшеренүләр өлкәсендә алга таба хезмәттәшлек итү өчен бердәм укучы билетлары тапшырылды.
