Татарстан «Иң күп укый торган төбәк» конкурсы лауреаты булды
«Иң күп укый торган төбәк» Бөтенроссия конкурсы Матбугат һәм массакүләм коммуникацияләр федераль агентлыгы ярдәме белән Россия китап берлеге тарафыннан үткәрелә, анда иң яхшы тәҗрибәне һәм иң мөһим казанышларны ачыклау, илдәге әдәби тормышны үстерүгә төбәкләрнең керткән өлешләрен бәяләү һәм аларның ватандашларыбыз өчен уку мөмкинлеген арттырудагы казанышларын билгеләү күз уңында тотыла.
Татарстан «Иң күп укый торган төбәк» конкурсы лауреаты булды. Жюри һәм конкурсны оештыручылар карары буенча, республикабыз илнең бу юнәлештәге иң яхшы төбәкләре исемлегенә керде һәм конкурста өч лауреатның берсе булды. Оештыручылар «Яраткан китап авторына хат» дигән Татарстан проектын – балаларның һәм яшүсмерләрнең балалар язучыларына хат-мөрәҗәгатьләре конкурсын – аерым билгеләп үттеләр. Шулай ук Санкт-Петербург шәһәре һәм Әстерхан өлкәсе лауреатлар булды.
2020 елда «Иң күп укый торган төбәк» конкурсында җиңүче булып Якутия танылды. Ул «Россиянең әдәби флагманы» исеменә лаек булды.