Без – көчле, бердәм халык
Татарстан Республикасы Милли китапханәсенең вакытлы матбугат бүлеге, 4 ноябрь – Халыклар бердәмлеге көненә багышлап, «Без – көчле, бердәм халык» дигән виртуаль күргәзмә тәкъдим итә.
Бердәмлек сыйфаты дошманнарга каршы торырга ярдәм иткән, илебезнең тынычлыгына, мөстәкыйльлегенә китергән. Дәүләт күләмендәге бу бәйрәм 1612 елгы тарихи вакыйгаларга барып тоташа. Халыкара бердәмлек көне буларак, 2005 елдан билгеләп үтелә.
Төрле милләт кешеләренең иң югары максатларга ирешү өчен берләшүе, Ватанга карата чиксез мәхәббәте һәм ватанпәрвәрлеге илебезгә тарих сынауларын җиңеп чыгарга ярдәм иткән.
Күргәзмәдә тәкъдим ителгән периодик басмаларда илебезнең үткәнен, хәзергесен һәм киләчәген чагыштырып карарга мөмкин.
Бүгенге тынгысыз заманда бер-беребезгә игътибарлырак, сабыррак булыйк, чөнки бердәмлектә – көч!