Милли китапханәдә «ТАБА» этнопроектлар акселераторының йомгаклау питчингы узды
«ТАБА» яшьләр этнопроектлары акселераторы төрледән-төрле проектларны этно-стильдә гамәлгә ашыручы 150 яшь кешене үзенә җыйды. Әлеге проектлар арасында хореографик һәм театраль куелышлар, көндәлек кием һәм аксессуарларның дизайн-чишелешләре, архитектур идеяләрне алга этәрүгә, туган телне популярлаштыруга һәм этно-туризмны үстерүгә юнәлдерелгәннәре бар.
Акселератор катнашучылары 4 ноябрь көнне Татарстан Республикасы Милли китапханәсенең яңартылган бинасы холлында үз эшләрен тәкъдим итте. Биредә шулай ук музыкаль фольклорга яңача якын килү турында Open talk һәм акселераторның йомгаклау гала-концерты узды.
«ТАБА» җиңүчеләре дип ETHNO SOUND проекты авторлары Герман Винокуров һәм Павел Александров, «Традицион халык уеннары» Youtube-каналын оештырган Евгений Шутько һәм «Этно урам театры» вәкиле Гөлназ Ханнанова танылды. Татарстан Республикасы Дәүләт Советы рәисенең урынбасары Марат Әхмәтов әлеге вакыйганың кунагы булды.