Республиканың китапханә хезмәткәрләре өчен онлайн-семинарлар

Республиканың китапханә хезмәткәрләре өчен 2020 елның ноябрендә Татарстан Милли китапханәсе фәнни-методик бүлеге баш китапханәчесе О.И. Зуеваның «Цифрлаштыру чорында китапханәләр» дигән авторлык онлайн-семинарлары узды.

Китапханә эшендә интернет-технологияләрне куллану хәзерге заманның мөһим бер ихтыяҗы-таләбе булып тора. Семинарлар барышында китапханәләрнең социаль челтәрләрдә, «Культура. РФ» порталында эшчәнлек алып баруы, туры эфирлар оештыру һ.б. белән бәйле мәсьәләләр каралды.

ZOOM интернет-платформасыннан файдаланып үткәрелгән әлеге семинарларда республиканың Әлмәт, Буа һәм Яшел Үзән муниципаль районнары китапханә хезмәткәрләре катнашты.