Фәридә Кудашевага багышланган биобиблиографик белешмәлек

2020 елның 18 декабре, җомга

Татарстан Республикасы Милли китапханәсе сайтында 2006 елдан башлап булдырылган «Татарстан Республикасының күренекле мәдәният һәм сәнгать эшлеклеләре» электрон белешмәлекләр  коллекциясе тулыландырылды.

Чираттагы  биобиблиографик белешмәлек Фәридә Кудашевага багышланды.

Белешмәлектә күренекле җырчының тормыш юлын һәм иҗатын яктырткан мәкаләләр, истәлекләр, фотолар,  мәшһүр җырчы башкаруындагы җырларның аудиоязмалары,  видеоязмалары, аңа багышланган видеоязмалар, презентацияләр тупланды.

«Библиография» бүлегендә Ф. Кудашева җырлары язылган грампластинкалар, аның хакындагы   аерым басмалар, җыентыкларда, вакытлы матбугат битләрендә басылып чыккан мәкаләләр исемлеге бирелде.

Ф. Кудашевага багышланган Интернеттагы сайтларга сылтамалар да китерелде. Белешмәлек татар һәм рус телләрендә төзелде.

Аерым шәхесләргә  багышланган белешмәлекләр Интернеттан файдаланучыларның киң аудиториясенә, күренекле мәдәният һәм сәнгать эшлеклеләренең тормышы һәм иҗаты, татар халкының тарихы, мәдәнияте  һәм сәнгате белән кызыксынучыларга тәкъдим ителә.

 

 

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International