«Техэксперт. Янгын куркынычсызлыгы» системасы

«Техэксперт. Янгын куркынычсызлыгы» системасы

30 апрельдә янгын сүндерүчеләрнең һөнәри бәйрәмнәре – Россиянең янгыннан саклау хезмәткәрләре көне – билгеләп үтелә. Татарстан Республикасы Милли китапханәсенең патентлар бүлеге (Казан, К.Маркс ур., 36 нчы йорт) янгын куркынычсызлыгы өлкәсе белгечләренә яңа махсуслаштырылган «Техэксперт. Янгын куркынычсызлыгы» системасы белән танышырга тәкъдим итә.
Система үз эченә норматив документларның тулы текстларын ала:
– РФ дәүләт хөкүмәте органнары норматив актлары;
– РФ милли стандартлары;
– Типлаштырылган күрсәтмәләр, янгын куркынычсызлыгы кагыйдәләре, кагыйдәләр җыелмалары, СНиПлар;
– Янгын куркынычсызлыгы өлкәсендәге яраклылыкны лицензияләү һәм раслауда, хезмәт күрсәтүдә, дәүләт янгын күзәтү органнары белән үзара бәйләнештә, шулай ук янгын куркынычсызлыгы буенча укулар һәм инструктаж уздыруда кирәкле үрнәкләр һәм формалар.

Документлар тупланмасы киң катлау белгечләргә – инженерлардан алып архитекторларга һәм янгын куркынычсызлыгы буенча экспертларга тәкъдим ителә.