Татарстан Республикасы көне котлы булсын!

Бу ел дәвамында сез безгә 286 133 тапкыр килдегез, 203 821 китап һәм 22 880 укучы билеты алдыгыз. Ә без сезнең өчен 595 чара һәм 1691 экскурсия үткәрдек.

Китапханәдә даими рәвештә күргәзмәләр, әдәби клублар, лекцияләр, лабораторияләр, курслар, музыкаль кичәләр, кино күрсәтүләр уза. Бу җәйне без террасса программасын да эшләтеп җибәрдек — барлыгы 11 чара узды.

Instagram аудиториябез 23 000 кешегә күбәйде. Telegram-канал ачтык һәм TikTok челтәре өчен видеолар төшерә башладык.

Хөрмәтле казанлылар! Безгә булган игътибарыгыз өчен зур рәхмәт. Яңа китаплар килеп тора, сезне һәрчак көтеп калабыз. Алга таба да бергә булыйк! Бәйрәм белән!