Без «Ел командасы» һәм «Елның иң яхшы җәмәгать урыны» исемнәренә лаек булдык

2021 елның 29 декабре, чәршәмбе

2021 елда без зур планнарыбызны тормышка ашырдык: яңа бинада китап бирә башладык, укучыларыбыз белән якынрак таныштык, яңа эш форматларын кулланып карадык, яңа бинаның мөмкинлекләрен һәм үзебезеең кыю идеяләребезне гамәлләштердек.

Бу елны безнең белән үткәргән барлык китап сөючеләргә, дусларыбызга зур рәхмәт! Сез безне тагын да яхшырак эшләргә илһамландырасыз.

ИНДЕ укучылары фикеренчә без «Ел командасы», ENTER укучылары фикеренчә — «Елның иң яхшы җәмәгать урыны» булдык. Ә тагын без Russian Creative Awards премиясенең «Ел креаполисы» номинациясе шорт-исемлегенә кердек. Безнең өчен тавыш бирүчеләргә бездән чиксез рәхмәт. Татарстан һәм Рәсәй мәдәниятен бергәләп үстерик!