«Ватан Герой йөрәгендә» күргәзмәсендә батырлык һәм кыюлык турындагы тарихлар.

2025 елның 6 мае, сишәмбе

«Ватан Герой йөрәгендә» күргәзмәсендә батырлык һәм кыюлык турындагы тарихлар.

Экспозиция ачылышына ТР Милли китапханәсенә Россия Кораллы көчләренең гамәлдәге хезмәткәрләре, махсус хәрби операциядә катнашучылар килде. 

5 майда Бөек Ватан сугышында Җиңүнең 80 еллык юбилеен бәйрәм итү алдыннан ТР Милли китапханәсендә яшь рәссамнарның «Ватан Герой йөрәгендә» күргәзмәсе ачылды. 
Эшләрнең авторлары - Россиянең әйдәп баручы сәнгать вузларын тәмамлаучылар - Мария Барановская, Ксения Козлова, Ксения Черемных, Юрий Фролов, Тимур Нестеров, Игорь Саидов, Валерия Рыжакова. Аларның һәрберсе - бөтенроссия күргәзмәләрендә катнашучы яки сәнгать конкурсларында, шул исәптән хәрби-патриотик конкурсларда җиңүче. Күргәзмәдә алар Россиянең хәзерге Геройлары, СВОда катнашучылар, шул исәптән «Батыр» һәм «Миник» кушаматлы якташларыбызның портретларын һәм скульптур композицияләрен тәкъдим иттеләр. 

Күргәзмәдә күрсәтелгән портретлар арасында инде исән булмаган геройлар да бар. Мисал өчен, «Ромашка» кушаматлы 23 яшьлек кыз. Фронтта ул штурм подразделениесенең эвакуация группасы командиры була һәм 150 яралы солдатны җилкәсендә күтәреп чыга. 

«Ватан Герой йөрәгендә» проекты идеологларының берсе - СВОның гамәлдәге сугышчысы, «Нарат» хәйрия фонды вәкиле, «Ватан Герой йөрәгендә» рәссамнар ширкәте директоры (кушаматы - «Скиф»). Күргәзмәне ачу тантанасыннан соң ул Б.К. Кузнецов исемендәге  Кадет интернат-мәктәбендә тәрбияләнүчеләр,  Казан танк һәм Казан Суворов училищесы курсантлары белән аралашты. Ул егетләргә СВО зонасында Россия солдатларының батырлыгы һәм каһарманлыгы, 2014 елда үзенең ничек Донбасста булуы турында сөйләде. 

 «Бу бөтен прогрессив кешелекнең зур гомумхалык бәйрәме - Бөек Ватан сугышында Җиңүнең 80 еллыгы алдыннан искиткеч чара», - дип билгеләп үтте күргәзмәне ачуда ТР Дәүләт Советының Законлылык һәм хокук тәртибе комитеты әгъзасы Марат Бариев. «Бу күргәзмә һәм бу гаҗәеп портретлар бер нәрсәне күрсәтә: безнең илдә үз Ватанына карата, үз илен саклауга буыннар арасында дәвамчанлык сакланып калган. Күргәзмәнең СВОда катнашучылар һәм яшь авторлар көче белән оештырылуы аеруча кыйммәтле». 

«Бүген һәр учреждениедә күпсанлы чаралар уза һәм аларның һәркайсы безнең бөек илебез - Россия өчен горурлык. Бу безнең арада инде булмаган, әмма 80 ел элек киләчәк буыннар хакына җиңгән ветераннарны искә алу», - дип сөйләде экспозиция ачылышында РФ Дәүләт Думасы депутаты Татьяна Ларионова. «Әгәр яшь рәссамнар һәр геройның күзләрендә иң мөһим нәрсәне күрә  һәм аларның һәркайсын үзенчә чагылдыра икән, бу һәр портретның йөрәктән һәм җан җылысы белән язылган булуы турында сөйли». 

«Ватан Герой йөрәгендә» күчмә күргәзмәсе проекты 2022 елда уйланылган. Барлык эшләр дә натурадан эшләнгән. Экспозиция 2025 елның мартында  Тарусада старт алды һәм җиде авторны берләштерде. Казанга кадәр экспозиция Протвинода, Серпуховта, Ряжскта булган. Якындагы айларда картиналарны һәм батырларның  бюстларын Мәскәү,  Курск һәм Уфада күрсәтәчәкләр.