Әниләр көне

Татарстан Республикасы Милли китапханәсенең мәгълүмат-библиография бүлеге (Казан, Кремль ур,. 33 нче йорт) 20 нче ноябрьдән әниләр бәйрәме уңаеннан оештырылган «Әниләр көне» дип аталган тематик күргәзмә тәкъдим итә. 2013 нче елда бу бәйрәм 24 нче ноябрь көненә туры килә. Күргәзмәдә бәйрәмне үткәрү өчен кирәкле булган татар һәм рус телләрендәге мәгълүмати чыганаклар һәм сценарийлар куелган. Бу көндә әниләрне һәм йөкле хатыннарны котлау гадәткә кергән. Бу бәйрәм төрле илләрдә төрле вакытта бәйрәм ителә. Тулаем алганда, дөньяда Әниләр көне май аеның икенче якшәмбесендә билгеләп үтелә. Россиядә ел саен Әниләр көне ноябрь аеның соңгы якшәмбесендә, Украинада – 12 нче майда, Белоруссиядә – 14 нче октябрьдә, Грузиядә – 3 нче мартта, Әрмәнстанда – 7 нче апрельдә, Казахстанда – 16 нчы сентябрьдә, Бөекбританиядә – 3 нче апрельдә билгеләп үтелә.