Китап укучыларны рус әдәбияты тарихына кагылырга һәм бөек рус шагыйренең иҗат дөньясына чумарга чакырабыз.

Чара «Саңгыраулар йорты» АКО белән берлектә оештырылды.

Классик уку залында бөек рус шагыйре Сергей Александрович Есенинның (1895-1925) тууына 130 ел тулуга багышланган китап күргәзмәсе ачылды.

«ЕсенИнтересный»  әдәби квест-кроссвордында катнашучылар Сергей Есенинның танылган әсәрләреннән юллар язылган «Шигъри ачык хатны» үз куллары белән ясадылар, шулай ук винил пластинкаларында шагыйрьнең шигырьләренә язылган җырларны һәм романсларны тыңладылар.